“Ermənistan regionda qeyri-ciddi imici olan dövlətdir”.

Yenixeber.org: Bu barədə siyasi şərhçi Arzu Nağıyev deyib.

Onun sözlərinə görə, Ermənistanın bu vəziyyətə düşməsinə səbəb bu ölkənin rəhbərliyinin qeydi-adekvat bəyanatı, siyasi ambisiyaları, eləcə də heç bir iqtisadi və hərbi proqramının olmamasıdır.

“Regional aktorlar – Rusiya, İran, Gürcüstan və digər ölkələr artıq Ermənistanı qeyri-ciddi dövlət hesab edirlər. Ermənistan rəhbərliyinin uğursuz siyasəti bu ölkənin təcrid olunmasını daha da dərinləşdirir. Regional aktorlar anlayır ki, Ermənistan Dağlıq Qarabağ münaqişəsinin həlli ilə bağlı qeyri-konstruktiv mövqedən, Azərbaycana qarşı işğalçılıq siyasətindən əl çəkməsi mütləqdir. Ermənistanın işğalçılıq siyasəti bu ölkənin iflasını sürətləndirir. Proseslər belə davam edərsə, Ermənistanda iğtişaşlar qaçılmaz olacaq, hakimiyyət böhranı, həll edilməyən miqrasiya siyasəti, iqtisadi asılılıq və s. amillər ölkədə silahlı qarşıdurmaya aparacaq”, - deyə siyasi şərhçi vurğulayıb.