Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Hikmət Babaoğlu:Zatulin erməni lobbisinin təsiri altında bunları edir

Hikmət Babaoğlu: Zatulin erməni lobbisinin təsiri altında bunları edir

“Rusiya Federasiyası Dövlət Dumasının MDB məsələləri, Avrasiya inteqrasiyası və həmvətənlərlə iş üzrə komitəsinin sədr müavini Konstantin Zatulin ilk dəfə deyil ki, Ermənistanın işğalçılıq siyasətini və erməni seperatizmini dəstəklədiyini nümayiş etdirir”.

 

Yenixeber.org: Bu sözləri millət vəkili Hikmət Babaoğlu deyib. Onun sözlərinə görə, hər şeydən öncə belə mövqe Zatulinin təmsil olunduğu siyasi fraksiyanın və Rusiyanın rəsmi siyasi mövqeyinə ziddir:

“Azərbaycan və Rusiya qədim tarixi kökə malik olan tərəfdaşlardır. Hazırda hər iki ölkə arasındakı münasibətlər strateji müttəfiqlik səviyyəsindədir. Əgər regionda Azərbaycan və Rusiyanın qarşılıqlı əlaqələri və təhlükəsizliklə bağlı ortaq tədbirləri olmasa, regional təhlükəsizlikdən və hər iki ölkənin birgə təhlükəsizliyindən söhbət belə gedə bilməz. Elə bu yaxınlarda MDB dövlət başçıları şurasının Düşənbə şəhərində keçirilən iclasında bir daha MDB ölkələrinin təhlükəsizlyinin təmin olunması, iqtisadi əlaqələrin dərinləşdirilməsi, humanitar mədəni və hərbi sahədə əməkdaşlığın gücləndirilməsi ilə bağlı məsələlərin müzakirə olundu. Rusiya prezidenti Vladimir Putinin bu kimi məsələləri dəstəklədiyi bir vaxtda Zatulinin belə məsuliyyətsiz açıqlamaları həm də Rusiyanın rəsmi siyasətinin əleyhinə olan açıqlama kimi dəyərləndirilməlidir. Çünki Rusiya Federasiyası Azərbaycanın ərazi bütövlüyünü tanıyır və Ermənistan-Azərbaycan Dağlıq Qarabağ problemlərinin həll olunması üçün ATƏT-in Minsk qrupunun həmsədrlərindən biri kimi fəaliyyət göstərir. Çox təəssüf ki, Zatulin bunları nəzərə almadan sadəcə erməni lobbisinin təsiri altında seperatçıları dəstəkləməkdə davam edir. Biz bilirik ki, bu, birinci hadisə deyil. Vaxtilə qondarma Dağlıq Qarabağ Respublikası adlandırlan qurumun təşkil etdiyi siyasi şouda da o müşahidəçi kimi iştirak etmişdi və yenə işğalçıları dəstəkləyən bəyanatlar vermişdi. Yaxşı olardı ki, Zatulin Ermənistanda və Dağlıq Qarabağda olarkən orada soydaşlarının olub olmaması ilə də maraqlanaydı. Onlar necə yaşayırlar, rus dilinə və mədəniyyətinə münasibət necədir? Axı Zatulinin Dövlət Dumasında tutduğu vəzifələrdən biri də Rusiyadan kənarda yaşayan soydaşlarla əlaqələr üzrə komitə sədrinin müavini olmaqdır. Əminəm ki, axtarsa belə nə Qarabağda nə də Ermənistanın əksər ərazilərində bir dənə də olsun rus millətinin nümayəndəsini tapa bilməzdi. Rus mədəniyyətinə və rus dilinə münasibətə gəldikdə isə, ermənilərin bu mədəniyyətə və dilə qarşı necə aqressiv yanaşdıqlarını müşahidə etmiş olardı. Çünki Nijde Qaraginə kimi bir faşistə heykəl ucaldan ölkədə rus tapmaq olduqca çətindir. Hazırda Ermənistan öz işğalçılıq siyasətində Rusiyadakı Zatulin kimi adamlardan dəstək almaqla bəraət qazandırmağa çalışır”.

Millət vəkili onu da qeyd edib ki, yaxşı olardı ki, Zatulin ilk növbədə Rusiyanın həqiqi dostu və müttəfiqinin kim olduğunu dərk etsin:

“Zatulin dərk etsin ki, Rusiyanın həqiqi dostu kimdir və öz mövqeyini həqiqətən rus xalqının maraqları ilə uzlaşdırsın. Son dövrlərdə Rusiya-Azərbaycan münasibətləri daha da dərinləşir. Bu yaxınlaşma heç şübhəsiz ki, regionda iqtisadi inteqrasiyanı gücləndirməklə, həm də Ermənistan-Azərbaycan Dağlıq Qarabağ problemlərinin həll olunması üçün yeni şərtlər formalaşdırır. Görünür, Zatulinin bu cür təxribaçı bəyanatlar verməsinə səbəb də onun ermənipərəst mövqeyidir. Rusiya-Azərbaycan münasibətlərinin yaxınlaşması və problemlərinin həll olunmasını istəmir. Əlbəttə ki, zatulinlər Rusiya Federasiyasının rəsmi siyasətini müəyyən edən şəxslər deyil. Rusiya-Azərbaycan münasibətləri bundan sonra da inkişaf edəcək və regionda ədalətli və qalıcı sülhün bərqərar olması üçün iki ölkə əlindən gələni edəcəkdir”.


Facebook-da paylaş

Yeni xəbərlər

Reklam

Reklam