“Kollektiv Təhlükəsizlik Müqaviləsi Təşkilatının (KTMT) baş katibi Yuri Xaçaturovun məhkəmə prosesinə cəlb edilməsinə baxmayaraq, Ermənistan baş katib postunu özü üçün saxlamaq niyyətindədir”.

Yenixeber.org: Bunu Ermənistanın baş nazirin mətbuat katibi Arman Yeqoyan bildirib.

Onun sözlərinə görə, Ermənistan ona əsaslanır ki, yeni baş katib də respublikanın nümayəndəsi olmalıdır.

“Kvota 2020-ci ilə qədər Ermənistana aiddir”, - hökumət rəsmisi deyib.

Arman Yeqoyan əlavə edib ki, 1 mart 2008-ci il etiraz aksiyalarının dağıdılması haqqında cinayət işi üzrə istintaq ölkənin daxili işidir:

“Bu nə siyasi çəkiyə malikdir, nə də beynəlxalq proseslərlə bağlıdır. İrəvan hər şeyi edir ki, baş katiblə bağlı vəziyyət təşkilatın nüfuzuna təsir etməsin. Erməni tərəfi Rusiyayla daimi əlaqədədir”.

Daha əvvəl “Kommersant” qəzeti dövlət strukturlarındakı mənbələrə istinadən yazıb ki, KTMT-nin baş katibinə irəli sürülən ittihamlar Moskvada “xüsusi qıcıqlanma” yaradıb.

Xüsusi halda, Kollektiv Təhlükəsizlik Müqaviləsi Təşkilatının (KTMT) baş katibi Yuri Xaçaturovun məhkəmə prosesinə cəlb edilməsi Kremli özündən çıxarıb. Mənbələrin sözlərinə görə, Rusiyada Ermənistanın indiki administrasiyasının hərəkətlərini hərbi blokun imicinə zərbə hesab edirlər. Moskvada KTMT-nin baş katibi vəzifəsinə başqa ölkənin (KTMT-yə Rusiya, Belarus, Ermənistan, Qazaxıstan, Özbəkistan, Tacikistan və Qırğızıstan daxildir – red.) vətəndaşının seçilməsini istisna etmirlər.

Mənbələr qəzetə danışıblar ki, Ermənistandan yeni namizəd avtomatik qaydada təsdiqləməyəcək:

“Əgər erməni namizəd digər ölkələri qane etməsə, Belarus öz namizədini irəli sürəcək. Ermənistandakı çəkişmələr bütün təşkilatın imicinə böyük ziyan vurur. Qəribədir ki, onlar özləri bunu başa düşmürlər”, - Rusiyanın prezident administrasiyasına yaxın mənbə bildirib.

Qəzetin həmsöhbətləri qeyd edirlər ki, İrəvandakı yeni hakimiyyətin hərəkətləri ilə daha əvvəl uyğunlaşdırılan və dəyəri 100 milyon dollar qiymətləndirilən silah partiyasının Ermənistana çatdırılması təhdidi altına düşüb.

Xatırladaq ki, iyulun 31-də Rusiyanın Xarici İşlər Nazirliyinin başçısı Sergey Lavrov İrəvandan narazılığını açıq şəkildə dilə gətirib. Onun sözlərinə görə, Ermənistanda baş verən hadisələr siyasi sələflərini təqib etməyəcəyini bildirən yeni ölkə rəhbərliyinin bəyanatları ilə ziddiyyət təşkil edir.

“Erməni rəhbərliyinə dəfələrlə bildirmişik ki...” – Lavrov

İrəvanın Lavrova cavabı gecikməyib. Ermənistanın Xarici İşlər Nazirliyinin mətbuat katibi Tiqran Balayan bildirdi ki, Ermənistanda daxili siyasi proseslər xarici siyasətlə bağlı deyil.

“Biz hüquqi dövlətin formalaşması ilə bağlı olan daxili proseslərə beynəlxalq reaksiyaları izləyirik. Bu proseslər Ermənistanın xarici siyasətiylə əlaqəli deyil. Erməni tərəfi təsdiq edir ki, parlament tərəfindən təsdiq edilmiş hökumət proqramı ilə möhkəmləndirilmiş xarici siyasət prioritetləri Ermənistan-Rusiya ittifaqın dərinləşməsinə, Avrasiya İqtisadi İttifaqı ilə Kollektiv Təhlükəsizlik Müqaviləsi Təşkilatı çərçivəsində qarşılıqlı münasibətlərin təsirliliyin artmasına hədəflənib”, - Balayan vurğulayıb.(publika)

Asif