AZ
RU
Tacikistan səfiri:"Terrorla mübarizə sahəsində Azərbaycanla çox sıx əməkdaşlıq edirik"
"Terrorla mübarizə sahəsində Azərbaycanla çox sıx əməkdaşlıq edirik"
Yenixeber.org: Bunu Tacikistanın Azərbaycandakı səfiri Soli Rustam brifinqdə jurnalistlərə deyib.
Onun sözlərinə görə, bu, terrorla mübarizənin regional təhlükəsizliyin əsas məsələsi olması ilə bağlıdır: "Ölkələrimiz böyük potensiala və bütün sahələrdə ikitərəfli münasibətlərin müsbət inkişaf dinamikasına malikdir. Terrorla mübarizə, aqrar-sənaye sektoru və turizm prioritet sahələrdir".
O qeyd edib ki, Tacikistan hökuməti mayın 3-4-də BMT, Avropada Təhlükəsizlik və Əməkdaşlıq Təşkilatı, Avropa İttifaqı ilə əməkdaşlıq çərçivəsində və Qətərin dəstəyi ilə "Terrorizmə qarşı mübarizə və zorakı ekstremizmin qarşısının alınması" mövzusunda Yüksək Səviyyəli Beynəlxalq Konfrans təşkil edib.
