Redaktor seçimi
Yaşam Klinikasında Məhəmməd Mehdi Aslaninin yaşatmaq vədləri:
Böyük Britaniyada hüquqşünas Eldar Mahmudova görə cərimələnib -
Saleh Məmmədovun asfalt zavodu Ermənistanın Metsamor AES-i kimi:Tüstüdə gizlənən milyonlar və kəsilən nəfəslər –
AzTU-nun kafedra müdiri müəllimləri “quş” adlandırır?! -
“AzerGold”da diqqətçəkən vəzifə bölgüsü:
Deputat Əlibala Məhərrəmzadənin sərvətlərinin YENİ SİYAHISI
Fərid Qyıbov Gəncə stadionunda “öz havasını oynayır” –
Gəncə Dövlət Universitetinin rektoru Təhsil nazirinə qarşı:
Günün xəbəri

Məmmədyarov iordaniyalı həmkarı ilə Nyu Yorkda görüşdü

Məmmədyarov iordaniyalı həmkarı ilə Nyu Yorkda görüşdü

 

Xarici İşlər naziri Elmar Məmmədyarov BMT Baş Assambleyasının 72-ci sessiyası çərçivəsində İordaniya Haşimilər Krallığının Xarici İşlər naziri Ayman Safadi ilə görüşüb.

Yenixeber.org: Xarici İşlər Nazirliyinin mətbuat xidmətinə istinadla xəbər verir ki, E.Məmmədyarov iordaniyalı həmkarını bu vəzifəyə yeni təyinatı münasibətilə təbrik edib və ona fəaliyyətində uğurlar arzulayıb.

Görüşdə iki ölkə arasında əməkdaşlığın hazırkı səviyyəsinə nəzər salınıb, əlaqələrin daha da inkişaf etdirilməsi yolları və perspektivləri ətrafında fikir mübadiləsi aparılıb.

Nazirlər İslam Əməkdaşlıq Təşkilatı çərçivəsində uğurlu əməkdaşlığın digər beynəlxalq təşkilatlar çərçivəsində də davam etdirilməsinin vacibliyini qeyd ediblər. Həmçinin dünyada islamofobiya meyillərinin artmasından narahatlıq ifadə olunaraq İslam həmrəyliyinin gücləndirilməsinin və təşviqinin əhəmiyyəti vurğulanıb. Bu xüsusda E.Məmmədyarov Azərbaycan Prezidenti İlham Əliyevin Sərəncamı ilə 2017-ci ilin Azərbaycanda “İslam Həmrəyliyi İli” elan olunduğunu və bu il Bakıda IV İslam Həmrəyliyi Oyunlarının uğurla keçirildiyini deyib.

E.Məmmədyarov Ermənistanın beynəlxalq hüquqa əsasən üzərinə düşən öhdəlikləri və BMT Təhlükəsizlik Şurasının müvafiq qətnamələrinin tələblərini kobud şəkildə pozaraq Azərbaycan ərazilərini işğal altında saxlamaqda davam etməsinin regional sülh üçün ciddi təhlükə olduğunu bildirib. Nazir İslam Əməkdaşlıq Təşkilatı çərçivəsində Ermənistanın Azərbaycana qarşı təcavüzü üzrə Təmas Qrupunun fəaliyyəti, Ermənistanın işğal olunmuş Azərbaycan ərazilərində İslam dininə aid abidələri, ibadət ocaqlarını vəhşicəsinə məhv etdiyi, beynəlxalq humanitar hüququ pozmaqda davam edərək qoşunlarının təmas xətti boyunca mülki insanları, o cümlədən uşaqları və qadınları qəsdən hədəfə alması barədə həmkarına məlumat verib.


Facebook-da paylaş

Yeni xəbərlər

Reklam

Reklam