AZ
RU
“Aprel şapalağı daha pis təkrarlana bilər” -Rasim Musabəyov
“Ermənistan indi Rusiyadan bir az silah alıb və seçkiöncəsi vəziyyəti öz xeyrinə dəyişmək üçün Azərbaycana əzələ nümayiş etdirmək istəyir. Amma çox nahaq. Çünki aprel şapalağı daha pis formada təkrarlana bilər”.
Xeberinfo.com: Bu fikri Gununsesi.info-ya açıqlamasında millət vəkili Rasim Musabəyov son günlərdə Ermənistanın cəbhə bölgəsində vəziyyəti gərginləşdirməsi ilə bağlı vəziyyəti şərh edərkən deyib.
Onun sözlərinə görə, Rusiyadan silah alan Ermənistan indiki məqamda özünü bir az arxayın hiss edir və ona görə də belə təxribatçı hərəkətlərə yol verir:
“Ermənilər daha çox Qarabağ cəbhəsində Talış kəndi istiqamətində hücuma keçərək, bir əvvəlki mövqelərə qayıtmaq istəyirlər. Ancaq onların bu cəhdi boşa çıxacaq. Çünki Azərbaycan ordusu hazır vəziyyətdədir və ermənilərin istənilən həmləsinə cavab verməyə qadırdır”.
Ermənistanın XİN başçısı Edvard Nalbandyanın Moskvaya səfəri və bunun ardınca Srrj Sərkisyanın da gözlənilən səfərini şərh edən millətvəkili deyib ki, ermənilərin başqa gediləsi bir yeri varmı. “Onların rusların “tulasıdır”. Ermənilər istəyir ki, cəbhə xəttində monitoqin daha da gücləndirib, özlərini arxayın hiss etsinlər, ancaq Azərbaycan buna razı deyil. Ola bilsin ki, bu dəfə ruslar onlara deyib ki, gedin əzələ nümayiş etdirin bəlkə Azərbaycan razı oldu”- deyə,millət vəkili vurğulayıb.
R.Musabəyov onu da deyib ki, ermənilərin bu hərəkətləri genişmiqyaslı müharibəyə gətirib çıxaracaq: “Və bundan da kimsənin qazanc əldə edəcəyini düşünmürəm. Rusiya Ermənistanın arxasında dayanmazsa, o zaman Ermənistan heç zaman Azərbaycanın qarşısında duruş gətirə bilməz. Əvvəlki dövrlərə baxmayın, ermənilər lovğalanaraq deyirdilər ki, Kürəcən gedib çıxacayıq. İndi vəziyyət tamamilə başqadır. Ermənistanın havadarları ona dəstək verməsələr müharibəsiz onlar təslim olacaq. Çünki onların belə hünəri yoxdur. Sadəcə havadarların arxalanaraq ermənilər belə təxribatlara yol verirlər. Ancaq bunun da bir sonu olacaq və ermənilər Azərbaycandan yaxşı bir şapalaq alacaqlar”.
.jpg)
