AZ
RU
Ermənistandan Rusiya və Qazaxıstana fırıldaq
Ermənistanın İqtisadiyyat naziri Karen Çşımartiyan jurnalistlərə açıqlamasında Ermənistanla qondarma "Dağlıq Qarabağ Respublika"sı arasında olan məntəqələrdə heç vaxt gömrük postlarının qoyulmayacağını bildirib.
"Xeberinfo.com": İrəvan parlamentində jurnalistlərdən biri erməni nazirə, “Ermənistanın Avrasiya İttifaqına Qarabağsız getməsi nə dərəcədə doğrudur?” deyə sual verib.
İşğalçı dövlətin naziri isə Ermənistanın bütün qurumlara Qarabağsız qoşulduğunu bildirib və qeyd edib ki, bu hal Qarabağ üçün heç bir təhlükə yaratmır.
Qeyd edək ki, Ermənistanın Rusiya, Belarus və Qazaxıstan tərəfindən təsis olunmuş Avrasiya İttifaqına daxil olmasında problemlər yaranıb. Mayın 29-da Qazaxıstan prezidenti Nursultan Nazarbayev Avrasiya İqtisadi Birliyinin Astanada keçirilən toplantısında Azərbaycan prezidenti İlham Əliyevin məktubunu oxumuş və Ermənistanın bu birliyə Qarabağla birlikdə daxil olmasının yol verilməz olduğunu bildirmişdi.
Nazarbayevin bəyanatından bir neçə gün sonra açıqlama verən, Ermənistan prezidenti Sarkisyan Gömrük İttifaqına Qarabağsız daxil olacaqlarını bildirmişdi. Sarkisyanın bu fikirləri erməni müxalifətinin narazılığı ilə müşayət olunmuşdu.
Lakin indi Ermənistanın İqtisadiyyat naziri Karen Çşımartiyan Sarkisyanı təkzib edərək Qarabağla Ermənistan arasında gömrük postlarının qurulmayacağını bildirir. Bu isə Avrasiya İqtisadi Birliyinin tələblərinə ziddir.
.jpg)
