AZ
RU
Nursultan Nazarbayev Qarabağ vədinə xilaf çıxdı?
Qazaxıstanın parlamenti Ermənistanın Avrasiya İttifaqına üzvlüyü haqqında müqaviləni təsdiq etdi.
"Xeberinfo.com": Məlumata görə, bu açıqlama ilə Qazaxıstanın Milli İqtisadiyyat naziri Erbolat Dosayev çıxış edib.
O, Ermənistanla əməkdaşlığa üstünlük verdiklərini deyib:
“Ermənistanın Avrasiya İttifaqına üzvlüyü mühüm əhəmiyyət kəsb edir. Biz Ermənistanla əməkdaşlıq edirik və əməkdaşlığımız bizim ölkələrimiz arasında olan iqtisadi inkşafa kömək edir”.
Qeyd edək ki, Ermənistan Avrasiya İttifaqına üzvlük haqqında müqaviləni oktyabrda imzalayıb. Bundan öncə isə Qazaxıstan Prezidenti Nursultan Nazarbayev çıxışı zamanı Ermənistanın separatçı Qarabağ rejimi ilə öz arasında gömrük məntəqələri quraşdırmayana qədər Astananın İrəvanı bu təşkilata buraxmayacağını demişdi. Amma sonrakı mərhələlərdə nə Ermənistan, nə də Qazaxıstan bu məsələ haqqında dəqiq heç nə söyləmədi və ona görə də sözügedən gömrük məntəqələrinin qurulub-qurulmadığı bəlli deyil.
