AZ
RU
"Palmiradakı vəziyyət razılaşdırılmamış fəaliyyətin nəticəsidir" -Rusiya Prezidenti
Xeberinfo.com: Xarici KİV-ə istinadla xəbərə görə, Rusiya Federasiyasının Prezidenti Vladimir Putin Palmirada yaranmış vəziyyəti şərh edərkən deyib ki, şəhərdəki mövcud vəziyyət Suriya böhranının həllinə baş vurmuş tərəflərin razılaşdırılmamış fəaliyyətinin nəticəsidir.
«Palmirada bütün baş verənlər necə deyərlər, «beynəlxalq koalisiya» adlandırılan tərəflə, Suriya və Rusiya tərəfləri arasında razılaşdırılmamış fəaliyyətin nəticəsidir» – deyə, Putin cümə günü Tokioda Rusiya-Yaponiya danışıqlarının yekunlarına həsr olunmuş mətbuat konfransında bəyan edib.
«Mən, artıq dəfələrlə demişəm ki, terrorçularla mübarizədə effektli olmaq üçün səyləri birləşdirmək lazımdır» – deyə, Prezident əlavə edib.
Xatırladaq ki, son bir neçə gün ərzində Palmira uğrunda döyüşlər gedir. «İslam dövləti» qruplaşmasının döyüşçüləri şəhərə nəzarəti bərpa etməyə çalışırlar. Onlar Palmiradan cari ilin may ayında çıxarılıb.
.jpeg)
