AZ
RU
Sakinləri yenə ayağa qalxdı
Bu gün "Sovetski" sakinləri aksiya keçiriblər.
Aksiyaya səbəb köçürülmə ilə bağlı onlara təklif olunan pulun miqdarının aşağı olmasıdır.
“xeberinfo.com”:Əldə etdiyimiz məlumata görə, aksiya həmişəki kimi, 173 nömrəli məktəbin qarşısına təyin olunmuşdu. Lakin əraziyə cəlb olunmuş çoxsaylı polis əməkdaşları sakinlərin məktəbin həyətinə toplaşmasına imkan vermədilər. Aksiya ara məhlələrdə davam edib. Aksiya başlar başlamaz 1 nəfər saxlanılıb. Lakin polis saxlanılan şəxsin aksiya ilə heç bir əlaqəsinin olmadığını bildirib. Sakinlər mətbuata açıqlamalarında bir daha bildiriblər ki, onlar təklif olunan pula razı deyillər və ümumiyyətlə köçmək istəmirlər. Ara məhlələrə mülki geyimli polislər gəlsə də heç bir qarşıdurma yaşanmayıb. Mətbuata açıqlama verən sakinlər dağılıblar.
