Milli Məclisə keçirilən seçkilərdə seçilən deputatların siyahısı Konstitusiya Məhkəməsinə noyabrın 21-də göndəriləcək.

Xeberinfo.com:   Məlumata görə, bunu açıqlamasında Mərkəzi Seçki Komissiyasının (MSK) media və ictimai əlaqələr şöbəsinin müdiri Şahin Əsədli deyib. Şöbə müdiri bildirib ki, Seçki Məcəlləsinə əsasən, səsvermə günündən ən geci 20 gün müddətində MSK seçkilərin nəticələrinin yoxlanılması və yekun vurulması prosesini başa çatdırır:“Noyabrın 21-dək Milli Məclisin seçkilərinin nəticələri yoxlanılıb yekun rəy verildikdən sonra Mərkəzi Seçki Komissiyasının protokolu və ona əlavə olan digər sənədlər Konstitusiya Məhkəməsinə təqdim olunur. Konstitusiya Məhkəməsi də sənədlərin təqdim edildiyi gün saat 18:00-dan sonra 10 gün müddətinə parlamentin yekunlarını və nəticələrini yoxlayıb təsdiqləməsi ilə bağlı qərar qəbul edir”. 

Şahin Əsədli əlavə edib ki, yeni seçilən deputatların siyahısı Konstitusiya Məhkəməsinə göndərilmədən öncə Mərkəzi Seçki Komissiyasının (MSK) seçkilərin nəticələrinə dair yekun iclası keçiriləcək.

Qeyd edək ki, noyabrın 1-də Azərbaycan Milli Məclisinə seçkilər keçirilib.