AZ
RU
Müsavat Partiyasının MSK-ya qarşı şikayətini təmin edilmədi
Bakı Apelyasiya Məhkəməsi Müsavat Partiyasının Mərkəzi Seçki Komissiyasına (MSK) qarşı şikayətini təmin etməyib.
Xeberinfo.com: Partiyanın mətbuat xidmətindən verilən məlumata görə, şikayətə hakim Səriyyə Seyidovanın sədrliyi ilə baxılıb.
Məlumata görə, Müsavat Partiyası məhkəmə qərarından Ali Məhkəməyə kassasiya şikayəti verəcək: "Müsbət cavab almayacağımız təqdirdə, bu hüququn pozulması ilə bağlı İnsan Hüquqları üzrə Avropa Məhkəməsinə müraciət edəcəyik".
Xatırladaq ki, Müsavat Partiyası MSK-nın oktyabrın 29-da qəbul etdiyi qərardan (Müsavat Partiyası namizədlərinin adlarının seçki bülletenlərindən çıxarılmaması ilə bağlı) şikayət edib. Şikayətdə Avropa İnsan Hüquqları və Əsas Azadlıqları Konvensiyasının 1 saylı Protokolunun 3-cü bəndinin (azad seçki hüququ) pozulmasının tanınması ilə bağlı iddia qaldırılıb.
