“Azərbaycanın yanındayıq”

Xeberinfo.com:   Məlumata görə, bu sözləri namizədliyi Ədalət və İnkişaf Partiyasından irəli sürülən və İğdırdan millət vəkili seçilən Nurəddin Aras bildirib. 

O deyib ki, əsas fəaliyyət istiqamətlərindən biri Azərbaycan torpaqlarının erməni işğalında olmasının dünya ictimaiyyətinə çatdırması olacaq: “Bu gün Azərbaycan iqtisadi-siyasi cəhətdən güclü ölkədir. Bir millət vəkili olaraq, Azərbaycanın yanında olacağıq. Təəssüf edirəm ki, Ermənistan xristian ölkələrindən və Rusiyadan aldığı dəstəyin sayəsində ayaq üstə durur və işğal etdiyi Qarabağ torpaqlarından çıxmır. Əsrin böyük faciəsi olan Xocalı ilə bağlı və qondarma erməni iddialarına qarşı fəaliyyətimiz davam edəcək”. 

N.Aras Azərbaycanla ticarət əlaqələrininin inkişafına önəm verəcəyini də bildirib:“İki qardaş ölkə arasında əlaqələr inkişaf edir və əlaqələrimiz yüksək səviyyədədir. Qısa zamanda Azərbaycana və Naxçıvan Muxtar Respublikasına səfər edib,rəsmilərlə görüşlər keçirəcəyik. Mən Azərbaycan xalqına salam və sevgilərimi çatdırıram”.