Dünən gözlənilmədən Prezident İlham Əliyevin sərəncamı ilə vəzifəsindən azad olunan Milli Təhlükəsizlik naziri Eldar Mahmudov həbs olunub.

"Xeberinfo.com":   Məlumata görə, Bu şokedici məlumatı Haqqın.az saytı yayıb.

Məlumata görə E.Mahmudov vəzifə səlahiyyətlərini aşmaqda ittiham olunur. Onun vəzifəsindən azad olunmasından sonra MTN-in telefon dinləmələrilə məşğul olan bir neçə əməkdaşı da həbs olunub. Ehtimal olunur ki, onlar nazirin göstərişi ilə ölkə rəhbərliyinə daxil olan şəxslərin telefon danışıqlarını dinləyiblər.

Keçmiş nazirə qarşı daha bir ittihamın irəli sürüldüyü bildirilir, lakin onun nədən ibarət məlum deyil.

***

Dünən Prezident İlham Əliyevin sərəncamı ilə vəzifəsindən azad edilən nazir Eldar Mahmudovun MTN-dəki komandasına qarşı irimiqyaslı həbslərə starat verilib.

Strateq.az-ın əldə etdiyi məlumata görə, nazirin vəzifəsindən çıxarıldığı saatlarda Xüsusi Dövlət Mühafizə Xidmətinin, Daxili İşlər Nazirliyinin və Baş Prokurorluğun birgə əməliyyat qurupu MTN-in Monitorinq Xidmətinin rəisi general Teymur Quliyevi və Antiterror Mərkəzinin rəis müavini, adı media cameəsinə çox yaxşı tanış olan İlqar Əliyevi, eləcə də daha bir neçə yüksəkrütbəli əməkdaşı həbs ediblər.

İlkin informasiyalara görə, onlar MTN-in imkan və səlahiyyətlərindən yararlanaraq, dövlət başçısının, onun ailə üzvlərinin, eləcə də hakimiyyətdəki yüksək vəzifəli şəxslərin özlərinin və ailə üzvlərinin telefon danışıqlarını dinləyirmişlər.

Həbslərin davam etdiriləcəyi və daha bir neçə generalı da əhatə edəcəyi gözlənilir...