AZ
RU
.jpg)
Müsavat "Azad seçki!” şüarı ilə mitinq keçirəcək
Bu gün Müsavat Partiyası Divanının növbəti iclası keçirilib.
"Xeberinfo.com": Məlumata görə, iclasada Müsavat Partiyasının Mərkəzi Seçki Qərargahının rəhbəri Gülağa Aslanlı seçki prosesi barədə ətraflı məlumat verib.
Müsavat Partiyasının başqanı Arif Hacılı 6 oktyabr 2015-ci il tarixdə saat 14.00-da partiyanın VIII Qurultayından sonra partiyanın bir illik fəaliyyəti və Parlament seçkiləri ilə əlaqədar mətbuat konfransı keçirəcəyi barədə məlumat verib.
Divanda 25 oktyabr 2015-cü il tarixdə saat 15.00-dən 17.00-dək Yasamal Rayon İdman-Sağlamlıq Kompleksinin stadionunda (keçmiş ”Məhsul” stadionu) "Azad seçki!” şüarı ilə mitinq keçirmək qərara alınıb.
Divanda son günlər ölkənin bəzi yüksək vəzifəli şəxslərin və televiziya kanallarının ölkəmizin Avrasiya İttifaqına qoşula biləcəyi ilə bağlı apardığı kampaniya da kəskin pislənilib. Bunun Azərbaycanın Müstəqillik Aktına, Konstitusiyasına və Təhlükəsizlik Konsepsiyasına zidd olduğunu qeyd etməklə, bu təbliğata son qoyulmasını hakimiyyətdən tələb edib.
