AZ
RU
MSK-dan namizədlərə daha bir xəbərdarlıq
“Azərbaycanda Azərbaycan dilində yayımlanan, təsisçisi xarici hüquqi şəxslər, xarici qurumlar, birliklər, dövlətlər olan KİV-lər Azərbaycanda keçirilən seçkilərdə qeydə alınmış namizədlərin seçkiqabağı təşviqatın aparılmasında iştirak edə bilməzlər”.
"Xeberinfo.com": Məlumata görə, bunu lent.az-a açıqlamasında Mərkəzi Seçki Komissiyasının sədr müavini Natiq Məmmədli bildirib.
N. Məmmədli deyib ki, Azərbaycan dilində yayımlanan xarici KİV-in namizədin təşviqat kampaniyasında iştirak etməsi qanun pozuntusudur və müvafiq məsuliyyət daşıyır.
Qeyd edək ki, Azərbaycanda noyabrın 1-də Milli Məclisə keçiriləcək seçkilərlə bağlı qeydə alınmış namizədlər, onların səlahiyyətli nümayəndələri və vəkil edilmiş şəxsləri, namizədi qeydə alınmış siyasi partiyalar, siyasi partiyaların blokları, onların səlahiyyətli nümayəndələri və vəkil edilmiş şəxsləri tərəfindən seçkiqabağı təşviqatın aparılması oktyabrın 9-da başlanır, 31 oktyabr saat 8.00-da dayandırılır.
