AZ
RU
Təkrar seçki: Sabahdan təşviqat başlayır
Mayın 26-da 90 saylı Ağdaş seçki dairəsi üzrə Milli Məclisə təkrar seçkilərlə əlaqədar seçkiqabağı təşviqat başlayacaq.
Xeberinfo.com: Seçki Məcəlləsinə əsasən, qeydə alınmış namizədlər, onların səlahiyyətli nümayəndələri və vəkil edilmiş şəxsləri, namizədi qeydə alınmış siyasi partiyalar, siyasi partiyaların blokları, onların səlahiyyətli nümayəndələri, vəkil edilmiş şəxsləri tərəfindən seçkiqabağı təşviqat səsvermə gününə 23 gün qalmış başlanır və səsvermənin başlanmasına 24 saat qalmış dayandırılır.
İyunun 18-də 90 saylı Ağdaş seçki dairəsi üzrə Milli Məclisə keçiriləcək təkrar seçkilərlə əlaqədar seçkiqabağı təşviqat mayın 26-da başlanacaq, 17 iyun saat 08.00-da dayandırılacaq.
Qeydə alınanlar namizədliyi Yeni Azərbaycan Partiyasından irəli sürülmüş Cavid Osmanov, Ümid Partiyasından irəli sürülmüş İqbal Ağazadə, bitərəf namizədlər Əli Haqverdiyev, Anar İbrahimli, Rəşad Gözəlov və Rəşad Abdullayevdir.
