AZ
RU
Rza Zərrab səfirə sui-qəsd planında şübhəli bilinir
Türkiyədə rüşvət və qaçaqmalçılıq ittihamı ilə həbs olunan iş adamı Rza Zərrabın Səudiyyə Ərəbistanının ABŞ-dakı səfiri Adil əl Cubeyrə qarşı planlaşdırılan sui-qəsd planında iştirak etməsi araşdırılır.
“xeberinfo.com” Türkiyə KİV-nə istinadən xəbər verir ki, 2011-ci ildə səfirə sui-qəsd planlaşdırdığı iddia edilərək həbs olunan İran əsilli ABŞ vətəndaşı Mansur Arbabsiara Zərrab tərəfindən 1,5 milyon dollar ödənildiyi iddia edilir. Sui-qəsd planının üstünü açan Federal Təhlükəsizlik Bürosu Arbabsiarı həbs etdikdən sonra qətlin sifarişçisi kimi “Qüds gücləri”ndə xidmət edən Gholam Shakurinin adı hallanır, lakin o, gizlənməyi bacarır.
Arbabsiarının bağlantılarını araşdıran FBİ İstanbulda fəaliyyət göstərən “Azra İdxalat İxracat Ticarət Limited Şirkəti” ilə “Hacer Mücevherat ve Kuyumculuk Turizm” firnalarından sui-qəsd planından öncə Arbabsiarın hesabına küllü miqdarda pul köçürüldüyü müəyyənləşdirib.
Sözügedən “Hacer Mücevherat” şirkətinin qurucu ortaqları arasında isə Zərrabla birgə həbs olunan Abdulla Happaninin qohumu Əbdülqədir Happaninin olduğu məlum olur. ABŞ səlahiyyətliləri tərəfindən Zərrabın dükanlarında aparılan araşdırma zamanı onun adamlarından birində Əbdülqədir Happaniyə aid telefon nömrəsi aşkar edilir.
Eyni zamanda Türkiyə-İran arasında qeyri-qanuni yollarla yüksək miqdarda pul transferi həyata keçirdiyi, Türkiyəyə gətirdiyi pulların İran prezidenti olan Əhmədinejatın sağ qolu İsfəndiyar Rahim Meşaiyə aid olduğu, Meşainin Zərrab və Ebru Gündeşin İrana səfərləri zamanı onları xüsusi qonaq etdikləri məlum olub”.
.jpg)
