AZ
RU
Kreml Ərdoğanın Rusiya və Ukrayna arasında vasitəçiliklə bağlı təklifinə münasibət bildirib
“Biz istənilən ölkənin Ukrayna məsələsini həll etmək istiqamətindəki səylərini alqışlayırıq”.
Yenixeber.org: Bunu Rusiya Prezidenti Vladimir Putinin sözçüsü Dmitri Peskov deyib.
“Ukraynada vəziyyət çox gərgindir. Biz orada NATO və Qərbi Avropa ölkələrinin manevrlərini müşahidə edirik. Bütün bunlar gərginliyə gətirib çıxarır. Türkiyə Ukraynanı Minsk razılaşmalarını yerinə yetirməyə sövq etməlidir”, - D.Peskov bildirib.
Qeyd edək ki, bundan əvvəl Türkiyə Prezidenti Rəcəb Tayyib Ərdoğan Moskva-Kiyev danışıqlarının Ankarada keçirilməsi təklifi ilə çıxış edib. O, Rusiya Prezidenti Vladimir Putin və Ukraynanın dövlət başçısı Volodimir Zelenskini Türkiyədə toplantı keçirməyə dəvət edib.
