AZ
RU
.jpg)
“Onun nə talışlara, nə də türklərə aidiyyatı var“
Müsavat Partiyasının başqanı Arif Hacılı Əlikram Hümbətovun "soyqırım"la bağlı açıqlamasına münasibət bildirib
"Xeberinfo.com": Arif Hacılı bu barədə sosial şəbəkədə status yazıb. O, bildirib ki, Əlikram Hümbətovun nə talışlara, nə də türklərə aidiyyatı var. Həmin statusu təqdim edirik:
“Əlikram Hümbətovun nə talışlara,nə türklərə heç bir aidiyyatı yoxdur. O öz fəaliyəti və açıqlamaları ilə əsrlər boyu birlikdə yaşamış, tarixi, ənənələri, dini bir-birinə qovuşmuş, ortaq ailələri, qəhrəmanları, şəhidləri olan millətləri qarşı-qarşıya qoymağa səy göstərir. Azərbaycanda yaşayan millətlər arasında etimadsızlıq mühiti yaratmaqla, bundan öz şəxsi, maraqları üçün faydalaqnmağa çalışır.
Bizə qarşı əsrlər boyu törədilən cinayətlər barədə Balayanın, Sarkisyanın mövqeyindən danışır.
Onun heç gizlətmədiyi erməni simpatizianlığı, ərazilərimizin işğalına haqq qazandırması, on minlərlə şəhidlərimizin, istiqlalımız və ərazi bütövlüyümüz uğrunda həlak olan hər kəsin ruhuna, bütövlükdə Azərbaycan xalqına qarşı təhqirdir”.
Qeyd edək ki, özünü “Talış-muğan respublikası”nın prezidenti adlandıran Əlikram Hümbətov ermənilərə müraciət edərək qondarma “soyqırım” ilə əlaqədar başsağlığı verib.(musavat.com)
