Amerika Birləşmiş Ştatlarının (ABŞ) dövlət katibi Entoni Blinken gələn həftə Brüsseldə ABŞ-ın NATO üzrə həmkarları ilə Rusiyanın hərbi fəallığı fonunda təkrar görüşəcək.

Yenixeber.org: Bu barədə aprelin 9-da «Bloomberq» agentliyi xəbər verib.

Agentlik səfərin tarixini dəqiqləşdirmir, ancaq qeyd edir ki, dövlət katibinin görüşləri qeyd olunduğu kimi, demək olar bütün həftə boyu davam edəcək.

Bu zaman eyni vaxtda ABŞ Müdafiə naziri Lloyd Ostin də Brüsseldə olacaq və əvvəlcədən xəbər verildiyi kimi, Şimali Atlantika Alyansının Baş katibi Yens Stoltenberqlə danışıq aparacaq. Martfn 22-dən 25-ə qədər Blinken artıq Büsseldə səfərdə olub və NATO ölkələri xarici işlər nazirlərinin görüşündə iştirak edib.

Bundan əvvəl, cümə günü ABŞ Dövlət Departamenti mətbuat xidməti rəhbərinin müavini Calin Porter jurnalistlər üçün keçirilən dövri brifinqdə xəbər verib ki, Birləşmiş Ştatlar rəsmi Kiyev və bölgədəki həmkarları ilə birlikdə Rusiya-Ukrayna sərhədində cərəyan edənləri diqqətlə izləyir.

O, həm də ABŞ HDQ-nin iki gəmisinin gələn həftə Bosfordan keçməklə Qara dənizə gedəcəyi və mayın 4-ə kimi orada qalacağını bildirib. Porterin sözlərinə görə, Vaşinqton dəqiq işarə verib ki, Moskva qarşılıqlı fəaliyyətdə gərginliyə aparan istənilən davranışdan qaçmalıdır.