AZ
RU
Türkiyə Azərbaycan ordusunun döyüş hazırlığını artırmağa hazırdır –Hulusi Akar
Yenixeber.org: Türkiyə regionda öz maraqlarını qorumaq üçün əlindən gələni edəcək, bu barədə Türkiyənin müdafiə naziri Hulusi Akar cümə axşamı “Anadolu” agentliyinin redaktorları ilə görüşündə bildirib.
Daha sonra o, Ermənistanın Azərbaycanla sərhəddə təxribatını qınayıb. Nazir qeyd edib ki, Ankara Azərbaycan Silahlı Qüvvələrinin döyüş hazırlığının artırılmasına əlindən gəldiyi qədər töhfə verməyə hazırdır.
“Azərbaycan və Türkiyə bir millət, iki dövlətdir. Azərbaycan xalqı bizim qardaşımızdır. Türkiyə həmişə Azərbaycanın tərəfində olub və bundan sonra da olacaq”, deyə Akar bildirib.
Türkiyənin müdafiə naziri qeyd edib ki, Ermənistan tərəfi təkcə Azərbaycana qarşı deyil, həm də Türkiyəyə qarşı absurd və əsassız hücumlarla çıxış edir. “Tarixi hadisələr arxiv materiallarında aydın şəkildə əksini tapıb. Qərəzlilik heç bir nəticəyə gətirib çıxarmayacaq”, deyə o bildirib.
