Redaktor seçimi
Zaur Mikayılov Eldar Əzizovun kölgəsində “üzür” –
Anar Əlizadəyə Serbiya pasportu nədən verildi - Adı rusiyalı casuslar, müharibə oliqarxları ilə birgə hallanan milyonçu kimdir?/
Saleh Məmmədov dərhal həbs olunmalıdır,... PKK terror təşkilatının missioneridir -
Təhməzlilərin "6-cı mərtəbə"sində çirlki pullar belə yuyulur -
Səbzəliyev qardaşlarının “Sobsan” boya fabriki ekoloji fəlakət yaradır-
Heydərovların “London macərası” başa çatdı – 
Qadının evini başına uçuran “Melissa Group” tikinti şirkəti kimindir? -
Deputatlığa namizəd olmuş “Emil Daymond” kimi tanınan Emil Məmmədov əslində kimdir? -
Günün xəbəri

Şabran bələdiyyəsində özbaşınalıq

 

Şabran rayonu Zeyvə kənd sakini Elxan Məmmədov redaksiyamıza müraciət edərək kömək istəyib. Şikayətçi yaşadığı kəndin bələdiyyə sədri, 23 dekabrda keçiriləcək bələdiyyə seçkilərində yenidən namizəd olan Cəmaləddin Nuryevin ona məxsus qanuni torpaq sahəsini rüşvət müqabilində başqasının adına keçirdiyini bildirib.

"Xeberinfo.com":  Məlumata görə,Şikayətçi bələdiyyə sədrinin fərari olduğunu və buna görə cinayət məsuliyyətinə cəlb edildiyini deyib: “Nuriyev Cəmaləddin 10 ildir ki, bələdiyyə sədri vəzifəsindədir. 23 dekabrda yenidən bu vəzifəyə seçilmək niyyətindədir. O fəraridir. Hərbi Prokurorluğun apardığı araşdırma nəticəsində bu təsdiq olunub. Onun özü də ərizə əsasında fərari olduğunu etiraf edib. Bütün kənd sakinləri onun fərari olduğunu bilir. Onun yenidən bələdiyyə sədri seçilmək niyyəti etiraz doğurub. Təəssüf ki, Şabran rayonunun rəhbərliyi bu biabırçılığa birbaşa dəstək verir.  Müdafiə naziri Milli Məclisdə məsələ qaldırmışdı ki, hərbi xidmət keçməyən vətəndaş rəhbər vəzifəyə təyin oluna və seçilə bilməz. Təəssüf ki, qanunlarımıza əməl edən yoxdur”.
Şikayətçi qanuni torpaq sahəsinin zəbt olunduğundan danışıb:  “Cəmaləddin Nuriyev Zeyvə kəndi ərazisində yerləşən, uzun illər istifadəmdə olan və bələdiyyəyə məxsus olmayan torpaq sahəsini zorla əlimdən alaraq, DSK-nın sədri Nizami Baloğlanovun  zəbt etməsinə şərait yaradıb. Çünki DSK sədri ona bələdiyyə sədri seçilməkdə köməklik göstərəcəyini bildirib. Məlumatlara görə,  bələdiyyə sədri seçilmək üçün 70 min manat rüşvət verib. Biz indi nəyə inanaq? Belə çıxır ki, kimsə cəbhədə qanını tökməli, şəhid olmalıdır? Fərarilər isə torpaqlarımızda bələdiyyə sədri olmalıdırlar?”
Şikayətçi kömək üçün müraciət etmədiyi aidiyyəti orqanın qalmadığını söylədi: “Artıq səbrim tükənib. Hara şikayət edirəmsə, məhəl qoyan yoxdur. İndiyə qədər cənab prezident İlham Əliyevə, Mehriban Əliyeva, Oqtay Əsədov, Əli Əhmədov, Əli Həsənov Məzahir Pənahov, Fikrət Məmmədov, Heydər Əsədov, Şabran Rayon İcra Hakimiyyətinin başçısı Novruz Novruzov, rayon Prokurorluğuna müraciət etmişəm. Amma nəticəsi olmayıb. Qəzetiniz vasitəsilə prezidentimizə müraciət edirəm ki, bələdiyyə sədrinin qanunsuz əməllərinin qarşısını almaqda bizə mənə kömək edəsiniz”.
Müsavat.com

Facebook-da paylaş

Yeni xəbərlər

Reklam

Reklam