AZ
RU
.jpg)
Şəkidə kütləvi dava - 2 nəfər xəstəxanaya düşdü
Faktla bağlı araşdırma aparılır.
Yenixeber.org: Şəki rayonunda xəsarətlə nəticələnən kütləvi dava olub.
Yanvarın 18-i axşam saatlarında rayonun Qoxmuq kənd sakinləri 1973-cü il təvəllüdlü Vüqar Umar oğlu Qədirov və 1989-cu il təvəllüdlü Vüsal Hündür oğlu Həşimov müxtəlif dərəcəli bədən xəsarətləri ilə Şəki Rayon Mərkəzi Xəstəxanasına daxil olublar.
Tibb müəssisəsindən “Report”a verilən məlumata əsasən, müayinə zamanı V.Qədirov və V.Həşimov yaşadıqları kəndin ərazisində bir neçə şəxslə əlbəyaxa dava etdiklərini, dava zamanı xəsarət aldıqlarını bildiriblər.
V.Qədirov və V.Həşimova bədənin müxtəlif nahiyələrində yumşaq toxumaların əziyi diaqnozu qoyulub. Onlar xəsarətləri yüngül olduğu üçün ambulator müalicə almaq şərti ilə evə buraxılıblar.
Faktla bağlı araşdırma aparılır.
Daha əvvəl Sabirabadda iki qardaş qadın üstündə düşən davada bıçaqlanıb.
