AZ
RU
.jpg)
Beyləqan Su idarəsi vətəndaşları sussuzluqdan qırır
"Xeberinfo.com": Məlumata görə, Beyləqan rayonunun bir qrup sakin AzFakt.com-a müarciət edərək rayon Su İdarəsindən şikayətçi olduqlarını bildiriblər.
Həmin şikayətdə qeyd olunur ki, “Azərsu” Açıq Səhmdar Cəmiyyətinin rayonda fəaliyyət göstərən yerli idarəsinin işçiləri 1 aydan çoxdur vətəndaşları su sınağına çəkib. Belə ki, Beyləqan şəhərinə çəkilən su xətlərinin xeyli hissəsinə heç bir səbəb göstərilmədən su verilmir. Şikayətçilər iddia edirlər ki, rayon Su İdarəsinin müdiri Novruz Şirinov və işçiləri sayğac olmayan evlərdən hər ay 5 manat pul yığırlar və suyu da həmin küçələrə verirlər. Sayğacı olan vətəndaşlara isə su verilmir. Rayonun bir hissəsi sussuzluqdan dad edir, bir hissəsində isə içməli su ilə bostan suvarılır. Vətəndaşlar bildirirlər ki, məsələ ilə bağlı dəfələrlə “Azərsu” nun qaynar xəttinə şikayət ediblər. Ancaq su idarəsinin işçiləri hər dəfə müxtəlif bəhanələr gətirərək vəziyyətdən çıxmağa çalışıblar. Sakinlər bildirirlər ki, əslində idarə işçilərinin bəhanələri sayğac olmayan evlərdən yığdıqları 5 manatdır. Su idarəsinin hər ay sayğac olmayan evlərdən yığdığ su pulunun məbləği ay ərzində 7-8 min manat arasında dəyişir.
Şikayətçilər qeyd edirlər ki, susuzluq Beyləqan sakinlərini üsyan həddinə çatdırıb. Onlar “Azərsu” rəhbəri Qorxmaz Hüseynovu bu problemin həlli üçün addımlar atmağa çağırıblar.
