Elza Seyidcahan: “Bahalı ətirlər almısınız, amma mənə bir manat da verməmisiniz”

Yenixeber.org: “Azərbaycanın səsi” layihəsində jüri olan Xalq artisti Nazpəri Dostəliyeva ilə Əməkdar artist Elza Seyidcahan arasında qalmaqal yaşanıb.

 Dostəliyevanın Elza Seyidcahanın tələbələrindən bəhs etməməsi onu özündən çıxarıb.

“Nazpəri xanım hamının tələbələrinin adını çəkdi. Amma mənim tələblərimdən danışmadı. Ancaq mənim elə birinci tələbəm Nazpəri xanım olub. Konservatoriyada oxuyanda gəldi məndən iki musiqi oxudu. Mənim tələblərim Elnur Məmmədov, Rüstəm, Ramal Hüseynovdur. Sizdən heç gözləməzdim. Üstünüzdə əziyyətim olub. Bir qəpik də mənə pul verməmisiniz. İki mahnı vermişəm, bahalı ətirlər almısınız, amma mənə bir manat da verməmisiniz. Mənə pul verən, səhnəyə çıxaran Brilliant Dadaşova olub. Siz mənə heç nə etməmisiniz, tələbəyə nə edəcəksiniz?”, – deyə Elza əsəbiləşib və iradını bildirib.

Dostəliyeva isə əvvəlcə Elzanın sözlərini gülüşlə qarşılasa da, daha sonra ayağa qalxıb, “Mən bu yarışmanı tərk edirəm. Belə bazar adamı ilə heç vaxt burada oturmaram”, - deyərək proqramı tərk edib.