Xeberinfo.com:   Bu dünyada vara-dövlətə, şan-şöhrətə bağlı çox insanlar gördüm. Ancaq vətəninə, elinə, obasına, xalqına və sənətinə bu qədər bağlı olan birini görmədim.

Söhbət Dağlar qızından, Kəlbəcər torpağının yetirməsi, düşmən tapdağında olsa belə bir an doğma yurdunu onun dağlarını, çaylarını, şəlalələrini,  tarixini, mədəniyyətini, keçmişini, sənətkarlarını unutmayan və bütün həyatını yurduna, onun milli mənəvi dəyərlərinin qorunmasına sərf edən Cəmilə Çiçəkdən gedir.

Bu gün Cəmilə xanımın doğum günüdür. Mən bir dost kimi Cəmilə xanıma nə deyərdim... Cəmilə xanım qoy bu yeni yaş iliniz sizə yeni-yeni uğurlar gətirsin. Növbəti doğum gününüzü Kəlbəcərdə-Zəngəzurda qeyd edəsiniz inşaallah. Xalqımızın milli-mənəvi dəyərlərinin qoruyucusu kimi üzərinizə düşən bu ağır həm də məsuliyyətli işdə daha böyük uğurlara imza atasınız. Xalqımızın və dövlətimizin hər zaman sizin kimi dəyərli ziyalılara ehtiyacı var. Nə yaxşı ki, varsınız. DOĞUM GÜNÜNÜZ MÜBARƏK!

İsmayıl Məmmədov