“Eurovision” mahnı müsabiqəsinin təşkilatçıları qondarma “Dağlıq Qarabağ Respublikası”nın bayrağı ilə əlaqədar Ermənistanı müsabiqədən kənarlaşdıra biləcəklərini bildirib.

Xeberinfo.com:    “Euronews” telekanalına istinadən xəbərə görə, Ermənistan təmsilçisi İveta Mukuçyan mayın 10-u baş tutan yarımfinal mərhələsində qondarma “qurumun” bayrağını qaldırıb. 

“Euronews”un süjetində Azərbaycanlın buna kəskin şəkildə etiraz etdiyi vurğulanır. 

Müsabiqənin təşkilatçıları məsələ ilə bağlı öz mövqelərini açıqlayıblar: “Bir şey tamamilə aydındır. Bu bayrağın böyük final zamanı “Yaşıl otaq”da olması yolverilməzdir. Baş verənlər yenidən təkrarlansa, bunun cəzası çox ağır olacaq. Bu hal təkrarlanarsa iştirakçı bu il müsabiqədən kənarlaşdırıla və ya “Eurovision” müsabiqəsinin iştirak etməkdən üç il müddətinə uzaqlaşdıra bilər”. 



Qeyd edək ki, daha əvvəl müsabiqə təşkilatçıları qadağan olunan bayraqların siyahısını açıqlayıb. Bu siyahıda “Basklar ölkəsi”, “Kosova”, “Krım”, “Fələstin”, və qondarma “Dağlıq Qarabağ Respublika”sının bayraqları var