AZ
RU
Səmra "Avroviziya" finalında çıxış edəcək
Stokholmun “Globe” arenasında “Eurovision-2016” mahnı müsabiqəsinin birinci yarımfinalında təmsilçilərin çıxışları başa çatdı
Xeberinfo.com: APA-nın məlumatına görə, çıxışlardan sonra 15 dəqiqə ərzində səsvermə keçirilib. Azərbaycanı "Miracle" mahnısı ilə təmsil edən Səmra Rəhimli mahnı müsabiqəsinin finalına vəsiqə qazanıb.
Finala daha çox səs toplamış 10 ölkə vəsiqə qazanıb. Bunlar Azərbaycan, Rusiya, Niderland, Macarıstan, Xorvatiya, Avstriya, Ermənistan, Çexiya, Kipr və Maltadır.
Çıxışlardan sonra finala vəsiqə qazanmış 10 ölkə təmsilçilərinin mətbuat konfransı keçirilib.
İlk əvvəl finala vəsiqə qazanmış ifaçılar təəssüratlarını bölüşüblər. Hər bir təmsilçinin çıxışından sonra onların mayın 14-də finalda hansı hissədə çıxış edəcəkləri müəyyənləşdirilib.
Azərbaycan təmsilçisi Səmra Rəhimli "Miracle" mahnısı ilə birinci hissədə çıxış edəcək.
