17-18 mart 2016-cı il tarixlərində Azərbaycan Respublikası Prezidenti yanında Gənclər Fondunun maliyyə dəstəyi, Nərimanov Rayon Gənclər və İdman İdarəsinin təşkilatçılığı ilə "İncəsənət şəhəri" adlı street art festivalı həyata keçirilib.

Xeberinfo.com:  Layihənin rəhbəri Aytən Vəliyevadır. 

Festivalın açılış mərasimində çıxış edən layihə rəhbəri Aytən Vəliyeva bütün qonaqları salamlayıb, festival haqqında məlumat vermiş və  iştirak edən rəssamlara uğurlar  arzulamışdır. Azərbaycanda xüsusi istedad və bacarılqlara malik gənclərin çox olması hər birimizə məlumdur, lakin bir çox hallarda bu gənclər şəbəkələşmədən və ictimaiyyətə tanıdılmasından müəyyən qədər kənarda qalırlar. Belə bacarıqlı gənclər bir çox hallarda öz istedadlarını üzə çıxara bilmirlər. Bakıda və ümumiyyətlə Azərbaycanda qraffitti sənətinə gənclər arasında marağın artması müşahidə olunur. Lakin bu sənətə marağı olan gənclərin rəsmlərini çəkə bilmək üçün şəraitləri yoxdur. Həmin gənclərin özlərini göstərə bilməkləri üçün fürsətləri yoxdur. Bu festivalı həyata keçirməklə gənc qraffittistlərə özlərini göstərmə fürsəti verilmişdir. 

Layihənin məqsədi Azərbaycan incəsənətinin və qraffiti sənətinin inkişafına təkan vermək , gənc istedadlı rəssamların tapılıb üzə çıxarılması və onların tanıtımına təkan verərək digər tanınmış rəssam və yarıdıcı insanlarla o cümlədən profesional rəssamalrı ilə əlaqələririnin yaradılması və möhkəmlənməsidir.

Qeyd edək ki, "İncəsənət şəhəri" adlı street art festivalı iki gün davam etmiş və sonda bağlanış mərasimi  keçirilmişdir.