AZ
RU
Sədərək”də yer pulu ləğv edildi
“Sədərək” ticarət mərkəzində bir aylıq yer haqları ləğv olunub
"Xeberinfo.com": Axar.az-a yarmarkadan verilən məlumata görə, alıcılıq qabiliyyətinin aşağı düşməsi ticarətçiləri müflisləşmə həddinə çatdırıb. Bazar rəhbərliyi də onlara bir aylıq icarə pulunu güzəşt edib.
Rusiyada rublun dəyərdən düşməsi bazarın əsas alıcıları olan Şimali Qafqaz tacirlərinin işini zəiflədib. Ona görə də “Sədərək” rəhbərliyi gedişatı nəzərə alıb. “Laçın” ticarət mərkəzində isə yer haqları 40 manat artırılıb.
Tacirlərin sözlərinə görə, yanvardan qiymətlər qalxıb. Hər kvadratına əvvəllər 80 manat ödəyən sahibkarlar indi 120 manat ödəməli olacaqlar. Obyekt sahiblərinin narazılığı ilə qarşılanan bu qərarın səbəbi açıqlanmır. Qeyd edək ki, paytaxtın alış-veriş mərkəzlərində durğunluq müşahidə olunur. Heç zaman olmadığı qədər müştəri qıtlığının yarandığı bildirilir.
