AZ
RU
Türkiyə Mərkəzi Bankı faizləri sabit saxlayıb
Türkiyə Mərkəzi Bankı (TCMB) bu gün keçirdiyi növbəti iclasında faizləri sabit saxlayıb
Yenixeber.org: Söhbət həftəlik repo faizi (uçot dərəcəsi), borclanma faizi (faiz dəhlizinin aşağı həddi), marjinal borcvermə faizi (faiz dəhlizinin yuxarı həddi) və gec likvidlik pəncərəsindən (GLP) gedir.
Bununla da, TCMB uçot dərəcəsini 8%, faiz dəhlizinin aşağı və yuxarı hədlərini 7,25% və 9,25%, GLP-ni isə 12,75% səviyyəsində təsdiqləyib.
Qeyd edək ki, qurumun yanvarın 18-də keçirilmiş əvvəlki iclasında da faizləri dəyişdirilməyib. TCMB yüksək inflyasiyanın yaratdığı makroiqtisadi risklər fonunda sərt monetar siyasəti davam etdirmək niyyətindədir.
Bugünki iclas Türkiyədə ABŞ dollarının məzənnəsinə təsir etməyib və 1 dolların qiyməti 3,8 lirə qalıb.
"Report"un analitik qrupu bu il Türkiyədə dolların qiymətinin 4 lirəni keçəcəyini ehtimal edir.
