AZ
RU
Dolların məzənnəsi rekord səviyyəyə yüksəldi -Türkiyədə
Türkiyədə dolların məzənnəsi tarixi rekord səviyyə olan 3,60 TRY/USD-yə çatıb.
Xeberinfo.com: Məlumata görə, yeni ilə artımla başlayan dollar dünən axşam saatlarında 3,54 TL səviyyəsində olub. Dolların qiynəti dekabr ayının inflyasiya rəqəmlərinin açıqlanmasından sonra qalxmağa başlayıb.
Avronun məzənnəsi isə 3,7441 TL-i ötüb.
Qeyd edək ki, Türkiyə Mərkəzi Bankı (TCMB) dekabrın 20-də keçirdiyi növbəti pul siyasəti iclasında uçot dərəcəsi kimi qəbul edilən 7 günlük REPO əməliyyatları üzrə faiz dərəcəsini dəyişdirmədi. Bununla da faiz dəhlizinin üst həddi, yəni birgünlük marjinal maliyyələşdirmə faizi 8,5%, birgünlük borclanma faizi, yəni faiz dəhlizinin aşağı həddi isə 7,25% olaraq təsdiq edilib. Bununla yanaşı, uçot dərəcəsi 8% səviyyəsində saxlanılıb.
Bununla bağlı əksər analitiklər faizlərin artırılaraq türk lirəsinə marağın yüksəldiləcəyini və dolların məzənnəsinin düşəcəyini ehtimal edirdilər.
.jpg)
.jpg)
