AZ
RU
Məşhur bank 600 milyon avro cərimələndi –Rusiyanın «çirkli pullarını yuduğuna» görə
Almaniyanın nəhəng banklarından «Deutsche Bank» 600 milyon avro cərimə ödəyəcək.
Xeberinfo.com: Buna səbəb bankın Rusiyada «çirkli pulların yuyulmasında» iştirakıdır.
İstintaq məlumatlarına görə, rus müştərilər bankın Moskva və London filialları vasitəsilə 10 milyard dollara yaxın pul «yuyublar».
«Deutsche Bank»ın Nyu-Yorkdakı Maliyyə Xidmətləri Departamentindən (DFS) bildiriblər ki, bu üsuldan bir neçə ildir istifadə olunub.
İş materiallarında o da qeyd olunur ki, şübhəli müştərilər rus şirkətlərinin səhmlərini Moskvada rublla alıblar, elə həmin gün London filialı vasitəsi ilə dollarla satıblar.
DFS-in rəhbəri Mariya Vullo bildirib ki, bu sazişlər iqtisadi cəhətdən məqsədəuyğun olmayıb və bu səbəbdən də «çirkli pulların yuyulması» ilə bağlı şübhələr yaranıb.
Üstəlik bank bu qeyri-şəffaf sazişlərin bağlanılması ilə ABŞ sanksiyalarını yarmış olub.
