AZ
RU
.jpg)
BP-də xaricilərin kütləvi ixtisarı başladı
Azərbaycanda fəaliyyət göstərən Böyük Britaniyanın BP neft şirkətində əcnəbi mütəxəssislərin ixtisarına start verilib.
"Xeberinfo.com": Məlumata görə, prosesə bu günlərdə başlanılıb.
Qeyd edək ki, bir müddət öncə BP ilə Dövlət Neft Şirkəti arasında narazılıq yaranmışdı. Narazılığa səbəb xarici şirkətin əcnəbi mütəxəssislərə üstünlük verməsi və neft-qaz sektoruna yerli mütəxəssislərin cəlb olunmasında şirkətin maraq göstərməməsi olmuşdu. Bu narazılıqdan sonra BP Azərbaycanda ixtisaslı daimi işçilərinin 90%-ni milli kadrlardan təşkil etməyi öhdəsinə götürüb.
“BP Exploreyşn” şirkəti elan edib ki, BP 2014-18-ci illər üçün beşillik milliləşdirmə planı hazırlayıb. Bu plana əsasən, 2018-ci ilin sonunadək BP-nin ixtisasalı işçilərinin 90%-ni milli kadrlar təşkil etməlidir. Bu prosesə də bu günlərdə başlanılıb.
Mənbənin verdiyi məlumata görə, artıq şirkət yüksək vəzifədə çalışan bir neçə əcnəbi mütəxəssislə yollarını ayırıb.
