AZ
RU
Mərkəzi Bankın baş direktorunun qardaşı "Bank of Azerbaijan"ın rəhbərliyində
Rəhbər strukturlarında köklü dəyişikliklər etmiş “Bank of Azerbaijan” bank üçün arzuolunmaz sitasiya ilə üzləşib.
"Xeberinfo.com": Xeyli müddətdir ki, haqqında dolaşan xoşagəlməz informasiyalar səbəbindən ciddi müştəri itkisinə məruz qalmış bank, hələ ki, yaranmış situasiyadan çıxa bilmir. "AzərFax"a(AFA) bankdakı mənbələrdən verilən məlumata görə, hazırda bankın demək olar ki, bütün şöbələrində depozit sahiblərilə problemlər yaranıb. Müştərilər banka etibar etmədiklərindən depozitlərini geri tələb edirlər. Onların tələbini qarşılamaq üçün isə bankın maliyyə durumu qənaətbəxş deyil.
Yayılan məlumatlarda bildirilirdi ki, “Bank of Azerbaijan”ın rəhbərliyinə əsasən “Bank Texnik”də çalışmış şəxslər gətirilib. "AzərFax"(AFA) rəhbərlikdə təmsil olunan şəxlərədən bir barədə də məlumat əldə edib. Məlumata görə, “Bank of Azerbaijan”ın İdarə Heyətinin sədri vəzifəsinə təyin olunmuş Fərid Temraz Oğlu Orucovun bilavasitə Mərkəzi Bankın (MB)rəhbərliyin ilə bağlılığı var. O, Mərkəzi Bankın baş direktoru Rəşad Orucovun qardaşıdır.
.jpg)
