AZ
RU
Banklar dolların alış qiymətini qaldırdılar
Dolların rəsmi məzənəsinin qalxması ilə bağlı olaraq banklar da alış və satış kursunu qaldırırlar. Günün birinci yarısında 1 dolları 1.68 manata cəmi bir bank alırdısa (Nikoil Bank) günün ikinci yarısında onların sayı 3-ə çatıb.
Xeberinfo.com: “Marja” xəbər verir ki, Bank of Baku və Amrahbank da 1 dolları 1.68 manatdan almağa başlayıblar.
Bu banklar günün birinci yarısında 1 dolları müvafiq olaraq 1.6700 və 1.6780 manata alırdılar.
PAŞA Bank isə alış qiymətini 1.6420 manatdan 1.66 manata qaldırıb.
Banklarda Dolların satış qiyməti isə 1.6850 manat civarındadır. “Qara bazarda” isə 1 dollar 1.70 manata satılır.
Qeyd edək ki, 23.08.2016-cı il tarixinə USD/AZN rəsmi məzənnəsi 1,6204 səviyyəsində müəyyən olunub.
Bu barədə Mərkəzi Bankdan bildirilib.
