AZ
RU
.jpg)
"Azərbaycan böyük borclanmaya gedir"
İqtisadçı alim Qubad İbadoğlu Beynəlxalq Valyuta Fondunun missiyasının ölkəmizin paytaxtında olması və Azərbaycanın xarici fondlara borclanmaq ehtimalı ilə bağlı öz fikirlərini sosiaı şəbəkədəki səhifəsində yazıb.
Xeberinfo.com: Tanınmış iqtisadçının statusunu oxuculara təqdim edirik:
"Nüfuzlu "Financial times" qəzeti bu gün Azərbaycanla bağlı "Beynəlxalq Valyuta Fondu (BVF) və Dünya Bankı neftlə əlaqəli defoltu qabaqlayan hərəkətə keçir" adlı yazı dərc edib. Yazıdan belə məlum olur ki, BVF-nin nümayəndələri bu məqsədlə yanvarın 28-dən fevralın 4-dək Bakıda səfərdə olacaq. Eyni zamanda bu günlərdə, digər beynəlxalq maliyyə kredit instiutlarının, o sıradan da Asiya İnkişaf Bankının (AİB) və Avropa Yenidənqurma və İnkişaf Bankının nümayəndələri də Bakıya gəlir.
Qəzetin yazdığına görə, Azərbaycan höküməti ilə Dünya Bankı arasında olan danışıqlarda 4 milyard dollarlıq kredit götürmək əsas müzakirə mövzularından biridir. Xatırladım ki, bu günlərdə Azərbaycan höküməti ilə AİB arasında da 1,1 milyard dollarlıq kredit sazişi imzalanıb. Göründüyü kimi, danışıqlar uğurla başa çatarsa bu il ərzində ölkə iqtisadiyyatına son 20 illik borcdan çox kredit cəlb oluna bilər. ÜDM-in dollar ifadəsində getdikcə kiçildiyini də nəzərə alanda bu minvalla xarici borcların yekunda payı 1 il ərzində 2 dəfəyədək arta bilər".
