AZ
RU
Büdcədə 51 milyon manat kəsir
Bu ilin yanvar-oktyabr aylarında Azərbaycan dövlət büdcəsinin gəlirləri 13 874,1 mln. manat, xərcləri 13 925,3 mln. manat təşkil edib, büdcənin icrasında 51,2 mln. manatlıq və ya ümumi daxili məhsulun 0,1%-i qədər kəsir yaranıb.
Xeberinfo.com: Dövlət Statistika Komitəsinə istinadən xəbərə görə, daxilolmaların 19,1%-i əlavə dəyər vergisi, 13,9%-i hüquqi şəxslərin mənfəət (gəlir) vergisi, 6,4%-i fiziki şəxslərin gəlir vergisi, 3,9%-i aksizlər, 7,2%-i digər vergilər, 49,5%-i isə vergi olmayan gəlirlər hesabına təmin edilib.
Büdcə vəsaitlərinin 39,0%-i iqtisadiyyatın inkişafı və tənzimlənməsi, 11,5%-i sosial müdafiə və sosial təminat, 8,0%-i təhsil, 3,7%-i səhiyyə sahələri, 37,8%-i isə digər sahələrin maliyyələşdirilməsinə xərclənib.
