AZ
RU
.jpg)
Azərbaycan 7 milyard dollar kredit götürəcək
Azərbaycan beynəlxalq maliyyə qurumları ilə birgə Cənub Qaz Dəhlizinə maliyyə vəsaiti cəlb edilməsi üzərində işləyir.
Xeberinfo.com: Məlumata görə, bunu SOCAR-ın Sərmayələr İdarəsinin rəhbərinin müavini Zaur Qəhrəmanov bildirib.
Onun sözlərinə görə, bu istiqamətdə Maliyyə Nazirliyi Avropa Yenidənqurma və İnkişaf Bankı, Beynəlxalq Maliyyə Korporasiyası və digər beynəlxalq maliyyə qurumları əməkdaşlıq edir: "Səmərəli olsa, kredit cəlb olunacaq. Bununla bağlı danışıqlar gedir. Çalışacağıq ki, bu krediti aşağı faizlərlə götürək. Cənub Qaz Dəhlizinin ümumi dəyəri 45 milyard dollardır. Bunun təxminən 14 milyard dolları Azərbaycanın payına düşür ki, bunun 7 milyard dolları kreditlə cəlb olunacaq".
Qeyd edək ki, "Cənub Qaz Dəhlizi" QSC-nin 51%-i İqtisadiyyat və Sənaye Nazirliyi, 49%-i isə SOCAR-a məxsusdur .
.jpg)
