“Standard & Poor’s” reytinq agentliyi Azərbaycanın beynəlxalq kredit reytinqini investisiya “BBB-” səviyyəsində saxladığını təsdiq etmiş, proqnozunu isə əvvəlki qiymətləndirmədəki kimi “mənfi” saxlayıb.

"Xeberinfo.com":  Məlumata görə, agentlik bildirir ki, ölkənin reytinqi onun güclü xarici mövqeyi ilə dəstələnir. Hesabatda hesabatda reytinqin təsdiq edilməsi enerji qiymətlərinin kəskin enməsi və gəlirlərinin azalmasına baxmayaraq Azərbaycanın möhkəm fiskal və xarici mövqeyini saxlaması və ölkənin xarici borc səviyyəsinin xeyli aşağı olması ilə əsaslandırılır.
Karbohidrogen ticarətindən asılı olan iqtisadiyyat neftin ucuzlaşmasından ziyan çəkir. İldə neft hasilatı 1-2% azalacaq və ixrac həcmi də azalacaq.
S&P hesab edir ki, kiçik və orta sahibkarlığa dəstək aktual olacaq. Uçot dərəcəsinin 3,5-dən 3%-ə azaldılması kredit artımına ciddi təsir etməyəcək.
Dövlət büdcəsinin kəsiri ÜDM-in 8,9%-i olacaq. 2015-ci ildə dövlət xərcləri planlaşdırılan xərclərin 90%-i qədər təşkil edəcək. ARDNF-nin aktivləri $37 mlrd-dan $33 mlrd-a düşəcək. 2016-cı ildən vəziyyət düzəlməyə başlayacaq.
Əgər qiymət azalması proqnozdan yüksək olsa və ya hökumətin fiskal səyləri nəticə verməsə, 2016-cı ildə Azərbaycanın proqnozu endirilə bilər. Eyni zamanda agentlik bildirir ki, Azərbaycanın xarici mövqeyinin sabit qalacağı və mövcud fiskal mühitin daha da sağlamlaşdırılacağı təqdirdə reytinq üzrə proqnoz “sabit” səviyyəsinə qaldırıla bilər. /”Turan”