UEFA bu il ilk dəfə təşkil etdiyi Millətlər Liqasında paylanması nəzərdə tutulan pul mükafatlarının məbləğini artırıb. 

Yenixeber.org: Mübarizəyə qatılan 55 komanda avtomatik olaraq iştirak pullarını alacaq.

Yeni iştirak mükafatlarına əsasən, A Liqası komandalarına veriləcək 1,5 milyon avro 2 milyon 250 min avroya, B liqası komandalarına veriləcək 1 milyon avro 1 milyon 500 min avroya, C Liqası komandalarına 750 min avro 1 milyon 125 min avroya, D Liqası komandalarına veriləcək 500 min avro 750 min avroya yüksəldilib.

Həmçinin, UEFA mükafat pullarını da artırıb. Yəni A Liqası birincilərinə 2 milyon 250 min avro, B Liqası birincilərinə 1,5 milyon avro, C Liqası birincilərinə 1 milyon 125 min avro, D Liqası birincilərinə isə 750 min avro veriləcək.

Bundan əlavə, 2019-cu ilin iyun ayında A Liqasındakı 4 qrupun birincilərinin iştirak edəcəyi final qarşılaşmasında birinciliyi əldə edən komandaya 6 milyon avro, ikinci yeri tutan komandaya 4,5 milyon avro, üçüncü yerdəki komandaya 3,5 milyon avro, dördüncü yerin sahibi olan komandaya isə 2,5 milyon avro mükafat veriləcək.