Rusiyanın paytaxtı Moskvada hərbçilər arasında 33-ci dünya çempionatında iştirak edən Mərkəzi Ordu İdman Klubunun (MOİK) güləşçiləri Vətənə qayıdıblar

Yenixeber.org:  Heydər Əliyev Beynəlxalq Hava Limanında MOİK-in üzvləri, idmançıların yaxınları və azarkeşlər gül-çiçəklə qarşılayıblar.

Sərbəst, yunan-Roma və qadın güləşi üzrə yarışlara qatılan MOİK idmançıları 2 qızıl, 3 gümüş və 6 bürünc olmaqla, 11 medal qazanıblar. Həmçinin 22 komanda arasında yunan-Roma güləş növündə 3-cü yerə çıxan MOİK idmançıları çempionatın kubokuna da layiq görülüb.

Yarışlarda komandaya MOİK-in rəisi, Beynəlxalq Hərbi İdman Şurasında (CİSM) Azərbaycan nümayəndə heyətinin rəhbəri polkovnik-leytenant Rəşad Quliyev başçılıq edib. Güləşçiləri yarışlara əməkdar məşqçi mayor Nazim Əlicanov və beynəlxalq dərəcəli idman ustası mayor Taleh İsrafilov hazırlayıb.

Komandanın tərkibində beynəlxalq dərəcəli hakimlər Elman İsmayılov və Sədi Quliyev də yarışlarda iştirak ediblər.

Qeyd edək ki, 33-ci dünya çempionatında 22 ölkədən 350-dən çox idmançı iştirak edib.