Türkiyə Superliqasında XXII tura start verilib

Yenixeber.org: Açılış günündə "Beşiktaş" mübarizəyə qoşulub.

Turdan-tura zirvəyə yaxınlaşan son çempion "autsayderlər zonası"nda qərarlaşan "Konyaspor"un qonağı olub. İstanbullular hesabı açmalarına baxmayaraq, sonda 1 xalla kifayətlənməli olublar.

"Fənərbaxça"nı çətin oyunun gözlədiyini demək olmaz. "Sarı-lacivərdlilər" doğma arenada aşağı pillələrdə yer alan "Alanyaspor"u sınağa çəkəcək.

İlk iki sırada qərarlaşan "Qalatasaray" və "Başakşəhər" səfər matçına çıxacaqlar. "Cim-bom" ortabab "Kasımpaşa"nın qonağı olacaqsa, "Başakşəhər"i Trabzonda ağır oyun gözləyir.

Turun qapanış qarşılaşmasında isə Azərbaycan millisinin hücumçusu Dəniz Yılmazın komandası "Gənclərbirliyi" "Göztəpə" ilə üz-üzə gələcək.

Türkiyə Superliqası

XXII tur

16 fevral

"Konyaspor" - "Beşiktaş" - 1:1

Qollar: Yahoviç, 60 - Hatçinson, 28

17 fevral

"Antalyaspor" - "Kayserispor" - 2:1

Qollar: Güral, 60, Dukara, 89 - Umut, 80

"Sivasspor" - "Osmanlıspor" - 3:2

Qollar: Robinyo, 24, 82, Qohi, 90+1 - Çikalleşi, 61, Musa, 71

20:00. "Fənərbaxça" - "Alanyaspor"

18 fevral

14:30. "Bursaspor" - "Yeni Malatyaspor"

14:30. "Karabükspor" - "Akhisar"

17:00. "Trabzonspor" - "Başakşəhər"

20:00. "Kasımpaşa" - "Qalatasaray"

19 fevral

21:00. "Gənclərbirliyi" - "Göztəpə"