AZ
RU
Azərbaycan idmançıları olimpiadadan kənarda qala bilər
Azərbaycan 2018-ci il Qış Olimpiya Oyunlarından kənarda qala bilər
Yenixeber.org: Bu barədə "Report"a gənclər və idman naziri Azad Rəhimov məlumat verib.
Onun sözlərinə görə, indiyədək heç bir idmançı olimpiadaya lisenziya qazanmayıb: "Çox istədik, çox çalışdıq ki, heç olmasa, bir-iki idmançımız qatılsın. Hələlik bir nəfər də lisenziya qazanan idmançımız yoxdur. Qış idman növlərində həqiqətən də böyük problemlər yaşayırıq".
Nazirin fikrincə, iki Dağ-Xizək Kompleksi olan ölkədə heç olmasa, bir dağ xizəkçisi yetişdirilməlidir: "Bunun üzərində düşünür və çalışırıq ki, nə isə edək".
Qeyd edək ki, Qış Olimpiya Oyunları gələn ilin 9 - 25 fevralında Cənubi Koreyanın Pxençxan şəhərində keçiriləcək.
Xatırladaq ki, hazırda Azərbaycanda bir neçə Dağ-Xizək Qış-Yay İstirahət Mərkəzi fəaliyyət göstərir.
.jpg)
