AZ
RU
.jpg)
.jpg)
Hollandiya Braziliyanı titulsuz qoydu VİDEO
Braziliyada keçirilən dünya çempionatı sona yaxınlaşır. Fanat.az xəbər verir ki, bu gecə mundialın üçüncü yer uğrunda oyunu keçirilib.
"Xeberinfo.com": Bürünc medallar uğrunda matçda Braziliya və Hollandiya milliləri qarşılaşıb. Braziliyalılar yarımfinalda Almaniyaya 1:7 hesabı ilə uduzmuş, hollandlar isə yarımfinalda Argentinaya penalti seriyasında yenilmişdi. Bu gecə baş tutan oyunda Braziliya ardıcıl ikinci oyunda böyük hesabla məğlub olub - 0:3. Hesabı 3-cü dəqiqədə Robin van Persi açıb. 17-ci dəqiqədə Daley Blind fərqlənib. Son nöqtni isə əlavə vaxtda Georginio Viynaldum qoyub.
Qeyd edək ki, dünya çempionatının ən titullu komandası Braziliya indiyədək 4 dəfə üçüncü yer uğrunda oyunun iştirakçısı olub. 1938-ci ildə İsveçə, 1978-də İtaliyaya qalib gələrək bürünc medallara sahib çıxan "sambaçılar" 1974-də Polşaya, 2014-də isə Hollandiyaya boyun əyib. Hollandiya isə bundan əvvəl cəmi bir dəfə üçüncülük uğrunda mübarizə aparmışdı. "Narıncılar" 1998-ci ildə Xorvatiyaya yenilərək dördüncü yerlə kifayətlənmişdi. Hollandlar ikinci cəhddə dünyanın üçüncüsü ola bilib.
DÇ-2014
3-cü yer uğrunda oyun
13 iyul
Braziliya - Hollandiya 0:3
Qollar: Robin van Persi, 3. Daley Blind, 17. Georginio Viynaldum, 90+1.
.jpg)
.jpg)
