AZ
RU
Useyn Bolt 8-ci dəfə olimpiya
Yamaykalı sprinterin Rioda daha 1 dəfə çempion olmaq şansı var
Xeberinfo.com: Yamaykalı Useyn Bolt Rio Yay Olimpiya Oyunlarının ikinci qızıl medalını qazanıb.
Qol.az-ın xəbərinə görə, o, 200 metr məsafəni 19.78 saniyəyə qət edib (hazırkı dünya rekordu 19.19 saniyə ilə elə Boltun özünə məxsusdur).
Bu yarışüda mübarizə aparan Türkiyə millisinin azərbaycanlı atleti Ramil Quliyev 8-ci olub (20.43 saniyə).
Qeyd edək ki, bundan üç gün öncə Useyn Bolt 100 metrlik məsafədə də olimpiya çempionu olub. Ümumilikdə, bu, onun 8-ci olimpiya çempionluğudur. Daha əvvəl yamaykalı sprinter üç dəfə Pekin-2008, üç dəfə London-2012 olimpiadasının qalibi adını qazanmışdı.
Qeyd edək ki, U.Boltun Rio Yay Olimpiya Oyunlarında üçüncü, ümumilikdə isə doqquzuncu dəfə olimpiya çempionu olmaq şansı da var. Bunun üçün o, avqusutun 20-də keçiriləcək estafet yarışlarında da birinci yeri tutmalıdır.
