AZ
RU
.jpg)
"Neftçi"nin avtobusu daş-qalaq edildi, oyun təxirə salındı
"Xəzər Lənkəran" klubu Lənkəranda "Neftçi"nin avtobusunun şüşələrinin sındırılmasına münasibət bildirib.
"xeberinfo.com": Klubun mətbuat xidmətinin rəhbəri Hüseyn Cəbrayıloğlu açıqlamasında bildirib ki, "Xəzər Lənkəran" Neftçinin avtobusuna daş atılmasına məsuliyyət daşımır:
"Çünki bu hadisə gecə radələrində Neftçinin qaldığı otelin ərazisində baş verib. Dünən qonaq komanda stadionumuzda məşq edib və təhlükəsizlik lazımı səviyyədə qorunub. Bir nəfər daş atıb deyə bu qədər hay-küy etməyə gərək yoxdur. Çünki bizim klubun avtobusunu Bakıda o qədər daşa basıblar ki, sayını itirmişik. Amma Lənkərana qayıdıb bəyanat verməmişik. Stadionda hazırda lazımınca polis qüvvələri var və təhlükəsizlik qorunur. Hətta klubun mühafizə xidmətinin əməkdaşlarını da Neftçinin qaldığı otelə göndərmişik. Təkrar edirəm ki, avtobusun bir şüşəsinin sındırılması məsuliyyətini Neftçinin məskunlaşdığı otel daşıyır."
.jpg)
