“Əli Kərimli Azərbaycan hakimiyyətinə, dövlətinə düşmən olan xarici dövlətlərə, təşkilatlara işləyir. Onlardan pul alır. O, xalqın düşmənidir. Əli Kərimlinin fəaliyyəti Azərbaycana ləkə yaxmaqdan ibarətdir”.

"Xeberinfo.com":  Azvision.az xəbər verir ki, bu fikirləri AXCP-nin sökülən qərargahının sahibi Azər Əsgərov deyib.

Əli Kərimli tərəfindən aldadılan mülk sahibi AXCP sədrinin ünvanına sərt ifadələr səsləndirib: “Əli Kərimli ancaq özünü, öz cibini, mənafeyini güdür. Onun üçün xalqın gələcəyi, cəbhəçilərin ac-sussuz qalması maraqlı deyil. Əli Kərimlinin Allahı puldur. Pula görə o, hər şey edər. Onu-bunu satqın adlandıran Əli Kərimlinin özü ən böyük satqındır. O, xalqın maraqlarını xarici qüvvələrə, erməni dostlarına satır”.

A.Əsgərov Əli Kərimliyə bir sıra suallar da ünvanlayıb: “Əli Kərimli cavab versin ki, xarici banklardakı pulları haradan alıb? Ailəsi Londonda hansı pullarla yaşayır? Onun ailəsi hansı əsaslarla xaricdə oturma izni alir? Bunun üçün ya mühacir olmalısan, ya da mülk sahibi. Əli Kərimlinin deyildiyi kimi xaricdə villası da var. Bu villani sən hansi paralarla almisan?”.