AZ
RU
Merkel və Olland Ukraynanı müzakirə edəcək
Almaniya kansleri Angela Merkel və Fransa Prezidenti Fransua Olland bu gün Parisdə Ukraynanın şərqindəki durumu müzakirə edəcəklər.
"Xeberinfo.com": Məlumata görə, iki liderin iştirakıyla ötən həftə əldə olunmuş atəşkəs sazişindən sonra döyüşlər yenidən qızışıb.
Fevralın 19-da yaraqlıların nəzarətində olan Donetsk şəhərində atışma qeydə alınıb. Artilleriya atəşi binaları silkələyib. Ordunun sözçüsü Anatoli Stelmax deyib ki, yaraqlılar Mariupol yaxınlığında hökumətin mövqelərini şiddətli atəşə tutub.
ABŞ Dövlət Departamenti fevralın 19-da bildirib ki, yaraqlılar atəşkəsi 250 dəfədən çox pozublar.
Bir neçə gün əvvəl hökumət qüvvələri Debaltsovo şəhərindən çıxıb. Ukrayna isə atəşkəsi saxlamaq üçün BMT sülhməramlılarının çağırılmasını təklif edib. Rusiya və separatçılar bu təklifi rədd edib (“Azadlıq” radiosu).
.jpg)
